Skuadra e Gjilanit ka ndarë rrugët me trajnerin Gentjan Mezani.
Lajmin e ka konfirmuar vet klubi gjilanas nëpërmjet një njoftimi në faqen e tyre zyrtare në “Facebook”.
Përveç Mezanit, të kuqtë nga Gjilani kanë ndarë rrugët edhe pjesën tjetër të stafit teknik, si Enver Sermaxhajn, instruktorin e portierëve, si dhe Leutrim Arifin, asistent.
Klubi i falënderoi që të gjithë për kontributin e dhënë.
Skuadra e Gjilanit kaloi një nga edicionet më të vështira viteve të fundit.
Pak para nisjes së stinorit të kaluar, ky ekip nuk dihej nëse do të merrte pjesë në gara për shkak të problemeve financiare.
Po ashtu, gjatë ditës garës ishte poshtë në tabelë dhe vetëm në xhiron e fundit e siguroi ekzistencën, ku luftoi bashkë me Feronikelin 74 për t’i ikur barazhit.
Gjilani e mbylli edicionin me 45 pikë, një më shumë se Feronikeli.
Flitet që skuadra nga sezoni i ardhshëm do t’i besohet Ardian Nuhiut, i cili për një kohë të gjatë udhëhoqi rivalët e tyre të Dritës.
