Kilian Mbape është shfaqur sot para mediave në grumbullimin e Francës, ku ka nisur përgatitjet për EURO 2024. Kuptohet që për mediat interesi ka qenë kryesisht te firma e tij me Real Madrid dhe sulmuesi francez u ka shuar atyre kureshtjen para se të fliste më pas për përfaqësuesen.
Ai zbuloi prapaskenat se si ishte paralajmëruar që nuk do të luante rregullisht me PSG-në, ndërsa pranoi se nuk kishte qenë në nivelin e tij më të mirë në edicionin e fundit.
“Tani është zyrtare. Unë do të jem lojtar i Real Madridit për pesë sezonet e ardhshme. Është një kënaqësi e madhe. Një ëndërr e realizuar. Jam i çliruar. Po shkoj në një klub ku kam ëndërruar gjithmonë të jem.
Jam shumë i emocionuar që mbërrij në atë klub. Dua të falënderoj të gjithë njerëzit që më kanë dërguar mesazhe. Nuk kam mundur t’i shoh të gjithë, ju falënderoj për mesazhet. Dua të falënderoj të gjithë njerëzit te Real Madridi që kanë punuar, dhe veçanërisht Florentinon, i cili më dha besim që në momentin e parë.
Mund ta shihni në fytyrën time që jam shumë i lumtur. Kam luajtur më pak në fund të sezonit, të gjithë e dini pse, por do të përgatitem me grupin për të rifituar formën time dhe për të sjellë trofeun në shtëpi.
PSG më tha me dhunë në fytyrë se nuk do të luaja këtë sezon. Luis Kampos dhe Luis Enrike më shpëtuan. Ata më thanë se nuk do të luaja shumë, kështu që unë isha i paralajmëruar. E kuptoj kritikën. Unë kam qenë larg nivelit tim dhe e di që kam qenë më keq. Jam përpjekur të jem aty për ekipin tim, por në vitin e ardhshëm nuk pres një sezon si ky
Jo i lumtur te PSG? Kjo do të ishte e padrejtë të thuhet. Po, kishte gjëra që më bënin të pakënaqur, por nuk isha i tillë. Unë marr me vete nga atje shumë gjëra pozitive”, u shpreh ndër të tjera Mbape në konferencën për mediat.
PANORAMASPORT.AL