Suhareka e Duros nuk ndalet, prezantohet edhe ish-mesfushori i Partizanit!
Pas Boshnjakut dhe Memollës, Suhareka e Shpëtim Duros, nuk ka të ndalur në merkato, teksa ditën e sotme ka zyrtarizuar edhe ish-mesfushorin e Partizanit, Eneid Kodrën.
24-vjeçari i dalë nga akademia e Partizanit, së fundmi ishte pjesë e Kastriotit në Kategorinë e Parë, teksa tashmë do të vijojë karrierën në elitën e futbollit kosovar.
Në sezonin që sapo lamë pas Kodra u aktivizua 29 ndeshje me Kastriotin, ku arriti të shënonte edhe 1 gol. Kontrata e firmosur me Suharekën është e vlefshme për 2 vite.
Teilen:
