Holanda do të përballet me Francën në Laipcig, takim i vlefshëm për Grupin D të Kampionatit Europian 2024.
Franca vjen në këtë takim me moral të lartë, falë fitores në ndeshjen e parë kundër Austrisë me shifrat 0-1. “Gjelat” nuk do të kenë sot lojtarin më të rëndësishëm, Kilian Mbape. Francezi pësoi një lëndim dhe theu hundën në takimin me austriakët, dhe trajneri Deshamp ka menduar ta lërë pushim sot, që të mos ta sforcojë më tepër.
Holanda nga ana tjetër, vjen pas fitores me Poloninë 1-2. “Tulipanët” synojnë të marrin fitoren e radhës dhe kreun e Grupit D. Ata synojnë të përfitojnë nga rasti që te Franca nuk do të jetë Kilian Mbape.
REZULTATI LIVE | HOLANDË-FRANCË 0-0
NGJARJET KRYESORE
41′ Grizman ekzekuton një goditje dënimi me topin që bllokohet në murë dhe devijohet në goditje këndi.
39′ Grizman hedh një top në zonë por përsëri atje gjendet Van Dajk i cili largon topin.
36′ Simons provon të surprizojë Menjan me një goditje nga distanca por gjuajtja e tij ishte shumë e lehtë dhe qetëson gjithçka portieri francez.
35′ Frimpong merr krahun e djathtë dhe tenton goditjen por bllokohet nga Hernandez.
34′ Vertikalizim për Gakpon, por sulmuesi nuk arrin tëkontrrolloj topin i cili përfundon në duart e Menja.
32′ Shuten ndëshkohet me karton të verdhe te Holanda.
29′ Hidhet një top i gjatë për Turam, ky i fundit e kontrrollon mirë dhe provon goditjen nga krahu i djatht5 i zonës por gabon krejtësisht dhe e çon jashtë. (VIDEO)
28′ Rejnders provon të godasë nga distanca por bllokohet nga mbrojtja franceze dhe përfundon në duart e Menja.
26′ Kundërsulm i mirë i Holandëz, Gakpo lirohet dhe pason për Depajn në qendër por sulmuesi nuk arrin dot ta kontrrolloj topin.
24′ Depaj kroson në zonë për Dumfris, por ky i fundit nuk arrin ta kthej topin për në qendër dhe e çon jashtë.
20′ Skuadrat ulin ritmin e lojës.
16′ Gakpo shkëputet bukur nga krahu i majtë dhe provon goditjen duke detyruar portierin Menja të bëj një superpritje që të shpëtojë të tijët. (VIDEO)
15′ Kante pason për Grizmanin në zonë dhe ky i fundit godet por topi shkon jashtë. (VIDEO)
14′ Francezët nuk u besojnë syve, Rabio dhe Grizman ngatërrohen me njëri-tjetrin në zonë me sulmuesin e Atletiko Madridit që nuk e priste një pasim nga mesfushori. (VIDEO)
8′ Ka një mbajtje në zonën franceze të Depajt, ky i fundit pretendon penallti por gjithçka e rregullt për gjyqtarin. (VIDEO)
7′ Kunde provon krosimin nga krahu i djathtë por Van Dajk është i pozicionuar mirë dhe largon topin.
4′ Grizman provon goditjen nga distanca dhe surprizon portierin Verbrugen i cili detyrohet ta devijoj topin në goditje këndi.
2′ Holandezët tregohen të rrezikshëm që në minutat e para, Frimpong shpërthen nga krahu i djathtë dhe i drejtohet zonës, arrinë të godas portën por Menja e pret topin. (VIDEO)
1′ Starton ndeshja në Laipcig.
FORMACIONET ZYRTARE
HOLANDA (4-3-3): Verbrugen; Ake, Van Dajk, De Vraj, Dumfris; Reijnders, Simons, Shuten; Gakpo, Depaj, Frimpong | Trajner: Roland Kuman
FRANCA (4-3-3): Menja; Kunde, Upamekano, Saliba, Hernandez; Tçuameni, Kante, Rabio; Dembele, Turam, Grizman | Trajner: Dider Deshamp
SONI SALIHI-PANORAMASPORT.AL
