Përfaqësuesja e Gjermanisë do të kërkojë të mbyllë në mënyrë perfekte fazën e grupeve. Pengesa e radhës në kontingjentin e Julian Nagelsman është Zvicra e shqiptarëve. Granit Xhaka dhe Xherdan Shaqiri do të tentojnë të bëjnë “dëme” në katërkëndëshin e mbrojtur nga Manuel Nojer.
Në bazë të raportimeve nga të dyja kampet, ceket se “pancerat” do të vijojnë t’i qëndrojnë besnik sistemit 4-2-3-1. Në portë nuk diskutohet Manuel Nojer. Edhe pse ata e kanë siguruar biletën për në fazën tjetër, Mark-Andre ter Shtegen duhet të kënaqen me rolin e rezervës. Prapavija do të jetë e njëjtë në emra, sikurse faza ofensive.
Ndonëse Virc dhe Haverc nuk ishin në lartësinë e pjesës tjetër të ekipit kundër Hungarisë, Nagelsman do t’i besojë sërish detyrën e titullarit. Sane për të tretën ndeshje do të “ngrohë” stolin. Nuk pritet që Tomas Myler t’i rezervohen minuta nga fillimi.
Zvicra e Murat Jakin do të shtojë forcat në fazën goditëse. Nga sistemi 3-4-2-1 që aplikojë ndaj Skocisë, pritet të freskohet me 3-4-1-2. Xherdan Shaqiri do të pozicionohet pas sulmuesëve të avancuar Varagas-Ndoie, kurse Xhaka do të ketë në monitorim mesfushën e miqëve. Në letër Gjermania është ndjeshëm më e favorizuar, e përkthyer me koeficientin 1.7, kundrejt 5 fitores së helvetëve.
PANORAMASPORT.AL
