Eraldo Çinari është prezantuar tek skuadra armene, Noah. Lajmi është bërë i ditur nga vetë klubi përmes një postimi në rrjetet sociale.
Në videon e publikuar vihet re se sulmuesi do të mbajë numrin 11 në fanellë.
Noah e mbylli edicionin e kaluar në elitën e futbollit armen në vendin e dytë të renditjes me vetëm dy pikë pas kampionëve të Piunik. Nga sa mësohet, kontrata e Çinarit do të jetë për dy sezone.
Rikujtojmë që për shkodranin u diskutua shumë për një rikthim në kampionat te skuadrat, ku edhe u bë i njohur, Vllaznia dhe Partizani.
