Trajneri i Spanjës, Luis de la Fuente ka komentuar pas fitores 1-0 përballë Shqipërisë me golin e shënuar nga Ferran Torres pas 13 minutash lojë.
“Plani ynë i lojës shkoi ashtu siç e kishim menduar. Kishim shumë energji. Gjërat ishin më të vështira pas pushimit dhe patëm vështirësi. Kemi hapësirë për t’u përmirësuar, por kemi një brez të mrekullueshëm e lojtarëve që duan të përmirësohen”.
“Ne të gjithë jemi të lirë të ëndërrojmë dhe jemi të parët që ëndërrojmë, por duhet të mbajmë këmbët në tokë. Çdo ndeshje është vërtet e ngushtë dhe ajo që kemi bërë është e vështirë”.
“Duhet të presim deri të mërkurën ndoshta për të ditur se me kë do të përballemi në raundin e 16-shes, por ne do të jemi të gatshëm mendërisht për të luajtur me ta”.
“16 skuadrat më të mira në Evropë do të jenë në raundin tjetër, kështu që nuk i jap asnjë rëndësi që ne të jemi favoritë. Një ditë mund të jeni në krye, tjetrën mund të jeni asgjë. Le të mos ushtrojmë presion shtesë mbi këta lojtarë”.
