Enea Mihaj nuk luajti asnjë minutë në Euro 2024, mbrojtësi kuqezi me anë të një postimi në rrjetet sociale shkruan se ishte një përvojë shumë e mirë dhe falënderon tifozët për mbështetjen e madhe.
“Mbrëmë përfundoi rrugëtimi ynë në Euro 2024, për fat të keq nuk arritëm të kalojmë në raundin tjetër që ishte synimi ynë, pavarësisht vështirësive që kishte grupi. Personalisht, ndihem mirënjohës që pata mundësinë ta jetoj këtë përvojë edhe nëse nuk arrita te kem minuta ne fushe. Nuk po ju fsheh që tashmë po mendoj për ndeshjet radhës dhe kjo më jep motivim.
Më në fund dhe më e rëndësishmja, ne mund të mos kemi arritur aq larg sa kemi dashur, por ju, Tifozët tanë, jeni fituesit e këtij kompeticionit, ju dëgjuat ne gjithë Gjermaninë, na mbështetët me pjesëmarrjen tuaj te paparë”, shkruan Mihaj në rrjetet sociale.
