Italia ia doli të renditej e dyta në Grupin B, edhe pse mes shumë vuajtjesh.
Axurrët i deroi një gol i Mattia Zaccagnit në kohën shtesë ndaj Kroacisë, një gol që shërbeu për të barazuar takimin dhe për të lënë kroatët në vendin e tretë. Heroi i të kaltërve, Zaccagni zbulon së fundmi edhe emocionet për atë gol të veçantë ndërsa zbuloi se e kishte telefonuar edhe një legjendë si Alex Del Piero.
“Më telefonoi edhe Del Piero, ishte shumë i lumtur për mua.
Më tha që të vazhdoja në këtë rrugë. Kur e godita topin nuk u mendova dy herë, ishte topi perfekt për të tentuar kuadratin.
Edhe Spalletti u afrua shpejt për të festuar më përqafoi dhe më puthi. Për ne ishte shumë e rëndësishme që ta kalonim grupin si vend i dytë, ishte një mbrëmje madhështore që do ta mbaj mend për gjithë jetën.
Një tjetër finale në Berlin pas asaj të vitit 2006? Të riktheheshim në Berlin për një tjetër finale, do të ishte emocion i jashtëzakonshëm. Unë në vitin 2006 isha 11-vjeç dhe mbaj mend që pas ndeshjes dola për të festuar”, u shpreh Zaccagni.
