Kampionati Evropian Euro 2024 dalëngadalë po merr formë, ku sot do të mësohen kombëtaret e fundit të cilat do të sigurojnë biletën drejt raundit të 16-të të kësaj gare.
Dy ndeshjet e para të ditës së sotme do të zhvillohen me fillim nga ora 18:00, të cilat i takojnë Grupit E të Euro 2024, raporton KosovaPress.
Rumania përballet me Sllovakinë, ndërsa Belgjika luan me Ukrainën, të dyja këto ndeshje në kuadër të Grupit E.
Ndërkaq, dy ndeshjet e fundit të ditës së sotme do të zhvillohen me fillim nga ora 21:00 dhe i takojnë Grupit F.
Republika Çeke luan me Turqinë, kurse Portugalia e cila tanimë ka siguruar kualifikimin do të përballet me Gjeorgjinë.
Programi i sotëm:
18:00 Sllovakia – Rumania
18:00 Ukraina – Belgjika
21:00 Çekia – Turqia
21:00 Gjeorgjia – Portugalia