Lamine Yamal tashmë ka një arsye për të festuar. Përveç kualifikimit në raundin e 1/8 së finales të Kampionatit Evropian, gjë që ishte një detyrim për kombëtaren spanjolle, Lamine ka kaluar provimet e shkollës së mesme (ESO). Sipas informacioneve të Cope, i riu 16-vjeçar mësoi për këtë lajm të enjten.
Pas fitores kundër Shqipërisë që vulosi kalimin e ‘La Roja’ në fazën e tjetër të turneut si lider dhe me fitore të plota, pa pësuar asnjë gol në fazën e grupeve dhe dy ditë para ndeshjes së parë të eliminatoreve, Lamine mori këtë lajm gjatë grumbullimit në Donaueschingen.
Lojtari ka qenë titullar te Barcelona, duke kontribuar në disa raste dhe duke qenë kyç në fazën përfundimtare të sezonit, ndërkohë që viti shkollor po përfundonte. Disa ditë më vonë, Yamal udhëtoi për në Gjermani kur po përballej me javët e fundit të vështira të provimeve dhe detyrave përfundimtare.
Ishte befasi kur lojtari katalanas tregoi disa ditë më parë se, përveç se po luante në Euro, ai po përfundonte edhe shkollën e mesme.
Rrjetet sociale nuk vonuan të mbushen me “meme” rreth kësaj. Gjëja e parë që bëri kur kaloi provimet ishte të telefononte nënën e tij për t’i treguar.
