Arrigo Saki në intervistën më të fundit të dhënë për mediet italiane ka tronditur publikun me deklaratën e tij. Ish-trajneri i Milanit dhe i Italisë ka thënë se Kombëtarja është individualiste dhe pasqyron shtetin italian, i cili “është në krizë kulturore, ekonomike dhe morale”.
Për Sakin problemi i Kombëtares nuk qëndron në tek trajneri. “Spaleti është një trajner, i cili ka treguar vlerat e veta.
Problem madh janë lojtarët e huaj në Serie A dhe ne ende nuk kemi një shkollë futbolli. Për mua katenaço nuk është shkollë dhe mendoj se një ekip duhet të fitojë nëse bën lojë dhe jo se ka fat apo se është dinak”, argumentoi Saki.
Ish-trajneri përfundoi duke thënë: “Nëse fitojmë duke luajtur keq dhe e konsiderojmë veten heronj atëherë e shikoj shumë të vështirë që të ndreqim gabimet tona. Me këtë filozofi nuk bëhet shumë rrugë”.
