Kina është pa dyshim një superfuqi e botës moderne, por edhe shumë prej markave dhe industrive të saj më të rëndësishme janë ndër më të fuqishmet në treg, kështu që nuk kanë sesi ato të mungojnë edhe në evenimentet e mëdha.
Dhe në turneun që po zhvillohet aktualisht në Gjermani, vërtet ai quhet “Europian”, por ata që dominojnë në sponsorizime janë kinezët.
Më shumë se 1/3-ta e totalit vijnë nga shteti i madh aziatik, i cili përfaqësohet nga kompanitë “Byd (konstruktor makina elektrike), grupi “Vivo” i telefonisë, “Hisense” (elektroshtëpiake), por edhe gjigantët e tjerë si “Alibaba”, “AliExpress” e “Alipay+”, të cilët kanë mbushur plot arkat e UEFA-s.
