Sulmuesi i Kombëtares shkund rrjetën e kundërshtarëve!
Indrit Tuçi ka gjetur golin e parë në miqësoren që Sparta e Pragës po fiton me rezultatin 1:0 përballë AIK. Një supergol, që erdhi nga jashtë zone ndërsa luhej pjesa e parë.
Ishte minuta e 27 kur Tuçi shfrytëzoi pasimin për të tundur rrjetën e suedezëve.
Kujtojmë se takimi miqësor po luhet në Pragë.
23-vjeçari u afrua te Sparta në janar për 1 milion euro. Më parë mbante veshur fanellën e Lokomotivës së Zagrebit, ndërsa kujtojmë se ka luajtur dhe moshat e Kombëtares.
