Trajneri i Spanjës, Luis de la Fuente, foli në fund të fitores 4-1 të skuadrës së tij ndaj Gjeorgjisë në fazën e 16-shes të Euro 2024. “Jemi shumë të lumtur, e dinim se sa e rëndësishme ishte të jemi këtu dhe ne e dëshmuam këtë, edhe nëse loja mund të kishte përfunduar 8 ose 9-1”.
“Ata janë një ekip i rrezikshëm në kundërsulm, por ne dhamë gjithçka në fushë dhe e merituam. Rikthimi është falë djemve, unë mund t’i përcjell idetë e mia për futbollin, por pastaj janë ata që dalin në fushë dhe e bëjnë mirë. Ishte e vështirë me mënyrën se si po shkonte ndeshja, por ne ruajtëm qetësinë”.
De la Fuente shtoi më pas: “Djemtë janë shumë të lumtur, ishte një ndeshje e rëndësishme për ne, sepse donim të arrinim në çerekfinale kundër Gjermanisë. Megjithatë, absolutisht i kemi këmbët në tokë, duhet të vazhdojmë të punojmë”. S
ë fundi për ndeshjen çerekfinale: “Në fillim mendojmë për rikuperimin, pastaj do të përpiqemi ta përgatisim ndeshjen me diktatet tona të futbollit. Pikat tona të forta janë të shumta dhe jemi një skuadër me identitet të qartë, ndaj do të garojmë edhe me një ekip të fortë si Gjermania”.
