Ian Soler është futbollisti më i ri i Tiranës.
Lojtari ka qenë që nga dita e parë në stërvitje, por tani është zyrtarizuar nga klubi në faqe zyrtare.
“Klubi i Futbollit Tirana njofton se ka arritur marrëveshje me mesfushorin spanjoll, Ian Soler! Futbollisti 28-vjeçar është një prodhim i akademisë së Espanyol, teksa është aktivizuar edhe me të rinjtë e Almeria e Fulham! KF Tirana i uron mesfushorit mirëseardhje në familjen bardh’ e blu”, njofton klubi.
Soler ka bindur stafin teknik me në krye Bledi Shkëmbin dhe do të jetë një përforcim për repartin e mesfushës. 28-vjeçari luan në rolin ‘6-sh’, pozicion i kërkuar prej muajsh që kur në stol ishte Orges Shehi.
Teilen:
