Al Ittihad lajmëroi ndërprerjen e marrëveshjes me trajnerin Marcello Gallardo.
Argjentinasi qëndroi për vetëm një sezon pasi nuk mundi të fitonte titullin, e për më tepër nuk ishte as afër këtij objektivi pasi e mbylli me distancë kampionatin nga Al Nassr dhe kampionët e Al Hilal. Kështu, tanimë postin e trajnerit te Al Ittihad pritet ta marrë Stefano Pioli.
Italiani pas pesë vitesh në krye të Milan, duket gati për një aventurë të re jashtë Europës. Al Ittihad do t’i ofrojë teknikut 57-vjeçar kontratë trevjeçare, teksa palët kanë gjetur akordin edhe për aspektin financiar.
Ndaj, në orët e ardhshme kjo lëvizje pritet të marrë formë zyrtare.
Kujtojmë se te Al Ittihad aktivizohen emra të njohur të futbollit europian si Fabinho, Kante dhe Benzema.
