Ish-portieri i Gjermanisë, Jens Lehman, nënkampion i Europianit 2008 dhe Botërorit 2002, “sulmoi” Spanjën. Kanë mbetur edhe dy ditë derisa topi të rrokulliset në arenën e Shtutgartit dhe Spanjë-Gjermania tashmë ka filluar të nxehet.
Të dyja skuadrat takohen sërish në raundin kualifikues të një turneu madhor dhe siç është normale mes dy skuadrave kandidate për të fituar Europianin, tensioni rritet me afrimin e ndeshjes. Një përballje që ka përjetuar ish-portieri i “Pancerave”, Jens Lehmann , i cili ka folur për të në “Ëelt TV”.
“SPANJA? NJË EKIP TË RINJSH” – Në fakt, portieri gjerman e përjetoi drejtpërdrejt atë finale mes Spanjës dhe Gjermanisë, që u luajt në “Euro 2008” që përfundoi me skuadrën e Luis Aragones që ngriti kupën e kampionit. Një rezultat që ai me siguri nuk dëshiron ta përsërisë më, veçanërisht me ekipin e tij si mikpritës, gjë që e ka shtyrë të bëjë deklaratën e mëposhtme:
“Spanja është një ekip i vogël dhe pa përvojë, në thelb, një ekip të rinjsh”. Disa fjalë që bien ndesh kokë më kokë me deklaratat që mbizotërojnë në vendin pritës për Spanjën dhe që Kimish i riprodhoi në zonën e prononcimeve: “Kanë luajtur ndeshje shumë të mira, mendoj se do të jetë një lojë e mirë, çdo tifoz neutral mund të jetë i lumtur. Nuk e di nëse spanjollët ishin të lumtur që na kishin në çerekfinale. Ju prisni lojëra të tilla”, tha Joshua paraprakisht para mediave.
Lens paralajmëroi edhe trajnerin Nagelsman në prag të këtij dueli: “Joshua Kimish tha në konferencën për shtyp se ai ende nuk e di se çfarë sistemi ka në plan Juliani. Loja është të premten, duhet të dini se çfarë sistemi dëshironi të luani, kur distanca nuk është më larg sesa dy ditë nga takimi. Do të ishte mëkat nëse Gjermania nuk avancon për më tej, në bazë të lojtarëve të cilët i ka në kontingjent. Nuk ka arsye përse të frikësohemi, nuk është Spanja e viteve të arta, ata janë ende një kombëtare në ndërtim”, e mbylli Lehman.
PANORAMASPORT.AL
