Ashtu siç pritej, më i vogli nga vëllezërit Mbappe ndjek gjurmët e më të madhit, Kylian dhe largohet nga PSG . Lille njoftoi këtë të enjte nënshkrimin me mesfushorin francez 17-vjeçar, Ethan Mbappe.
“Jam shumë i lumtur që bashkohem me Lille . Mezi pres të filloj këtë aventurë dhe të takoj bashkëlojtarët e mi të rinj, ekipin teknik dhe tifozët. Për mua, në moshën time, qëndrimi në Francë ishte alternativa më e mirë për të përparuar. Mendoj se Lille ishte alternativa më e mirë. Është një nga klubet më të mira në Francë. Jam shumë krenar që mund të luaj këtu”, tha lojtari në një deklaratë për faqen zyrtare të klubit .
Mrekulluesja galike mbërrin në Lille pas shtatë sezonesh në kryeqytetin francez. Ethan iu bashkua skuadrës U-11 të Parisienëve në vitin 2017 dhe bëri debutimin e tij në ekipin A sezonin e kaluar. Ai luajti pesë ndeshje për ekipin e drejtuar nga Luis Enrique.
/GazetaBlic Sport/
