Anglia përballet me Zvicrën për të siguruar një biletë në gjysmëfinalet e Euro 2024. Kjo ndeshje pritet të jetë shumë e rivalizuar duke parë gjendjen e dy ekipeve.
Anglia ka kaluar pa shumë shkëlqim deri tani në çerekfinalet e turneut, duke vuajtur sidomos në turin e mëparshëm e duke qenë vetëm pak sekonda larg eliminimit përballë Sllovakisë. Ndaj për skuadrën e Garet Sauthgejt, fitorja sot dhe me lojë bindëse duket tashmë një “detyrim” që shton edhe më shumë trysninë mbi të.
Ndërsa në anën tjetër vjen Zvicra e cila ka dhënë një provë të mirëfilltë force përballë Anglisë në takimin e mëparshëm dhe kërkon me të drejtë që të tentojë për herë të parë kualifikimin në gjysmëfinalet e Europianit.
LIVE ANGLI-ZVICËR 0-0
NGJARJET KRYESORE
68’ Ndoj depërton në zonën angleze, Kejn detyrohet të kthehet e bëjë mbrojtësin duke shmangur gjuajtjen e tij.
67’ Kejn ndëshkohet me të verdhë pas një faulli ndaj Akanzhit.
66’ Pas një harkimi në zonën e Anglisë, topi kthehet te Aebisher i cili gjuan fluturimthi pa gjetur portën e Pikford.
64’ Vargas dhe Rider dalin nga fusha e lojës për t’i bërë vend Zuber dhe Vidmer.
62’ Iniciativa në këto minuta është e zviceranëve të cilët fitojnë goditje këndi radhazi.
57’ Rodriguez nga e majta harkon në zonë për Embolo, devijimi i Konsa është vendimtar duke ia bërë të thjeshtë kontrollin Pikford. (VIDEO)
51’ Embolo merr topin në zonë dhe pasi rrotullohet, gjuan drejt portës, por lehtësisht pa shqetësuar shumë Pikford. (VIDEO)
47’ Bellingam mundohet të nisë një top në qendër për Kejn, Akanzhi me thembër largon rrezikun.
46’ Pjesa e dytë nis pa zëvendësime te dy ekipet.
45’ Mbyllet pa gola pjesa e parë e ndeshjes.
45’ Saka nga e djathta pason në qendër ku një devijimi i Xhakës shmang gjuajtjen drejt portës. (VIDEO)
42’ Asnjë rrezik konkret para dy portierëve deri tani, pasi nuk është regjistruar asnjë gjuajtje në katërkëndor.
36’ Saka nga e djathta harkon në zonë për Bellingam, ky i fundit nuk kontrollon dot sferën për të finalizuar para Zomer.
32’ Shar ndëshkohet me karton të verdhë për një ndërhyrje të parregullt ndaj Bellingam.
25’ Një tjetër top i rrezikshëm në zonën e Anglisë, Stouns largon nga katërkëndori.
24’ Embolo provon me një gjuajtje të fortë në hyrje të zonës, Konsa bllokon gjithçka.
21’ Tripier harkon në zonë nga këndorja, Kejn godet shumë keq me kokë në zonën kundërshtare. (VIDEO)
17’ Maino tenton të hyjë vetë në zonë pas një slalomi të shpejtë në mesfushë, por shtyn sferën e cila ndalet në duart e Zomer.
16’ Kejn pretendon për një penallti, por gjyqtari Orsato lejon lojën të vazhdojë. (VIDEO)
14’ Saka krijon panik në të djathtën e sulmit të Anglisë, një harkim i tij në qendër shkon te Rajs, i cili provon të gjuajë por sheh sferën të bllokohet nga mbrojtësit zviceranë.
9’ Harkim fillimisht nga e majta e pastaj nga e djathta e sulmit zviceran, mbrojtja e Anglisë vuan por ia del të largojë rrezikun para Pikford.
5’ Aebisher nis një pasim në qendër për Frojler, ky i fundit nuk ia del të kontrollojë e gjuajë në zonën britanike.
4’ Menjëherë Anglia në kontroll të manovrës, teksa qarkullon sferën për të gjetur hapësira para Zomer.
1’ Nis dueli në Dyseldorf.
FORMACIONET ZYRTARE
ANGLIA: Pikford, Uoker, Stouns, Konsa, Tripier, Maino, Rajs, Saka, Bellingam, Foden, Kejn.
Trajner: Garet Sauthgejt
ZVICRA: Zomer, Shar, Akanzhi, Rodriguez, Rider, Frojler, Xhaka, Aebisher, Ndoje, Embolo, Vargas.
Trajner: Murat Jakin
PANORAMASPORT.AL
