Trajneri i Anglisë, Gareth Southgate, u shfaq krenar pas fitores me penallti kundër Zvicrës, që e çon skuadrën e tij në gjysmëfinalen e dytë radhazi evropiane. Pas ndeshjes, Southgate tha se sheh rritje te Anglia dhe loja e bukur nuk është domosdoshmërisht tregues i një skuadre të madhe.
“Ne luajtëm mirë kundër një skuadre shumë të mirë. Në këto ndeshje duhet të jesh i përpiktë në mbrojtje. Mendoj se ushtrum mirë presion dhe e përdorëm topin më mirë se në ndeshjet e mëparshme. Këto janë shenja rritjeje. Në turne nuk duhet thjesht të luash mirë, janë edhe atribute të tjerë që tregojnë një skuadër të mirë. Kemi punuar shumë për penalltitë, dhe tani u bënë tre që kemi fituar nga katër raste. Këta janë lojtarë të rinj në kushte presioni ekstrem, por e ndjemë që ata ishin më të mirët për të gjuajtur penalltitë”, tha Sauthgejt
Edhe trajneri i Zvicrës, Murat Jakin, u shfaq krenar për skuadrën e tij. “ËShtë e dhimbshme. U përpoqëm shumë, krijuam shumë raste. Më vjen keq për djemtë dhe gjithë vendin. Anglia nuk pati shumë raste. nuk e meritojmë të shkojmë në shtpi, por mund të jemi shumë krenarë. As Anglia nuk e meritonte të humbiste, por dikush duhet të humbë”, analizoi Jakin.
