Euro 2024 deri më tani ka sjellë shifra interesante, statistika dhe rekorde. Gjithsesi, disa prej futbollistëve që i pamë në Europianin e Gjermanisë, nuk do të mund t’i shikojmë më në kompeticionin më të rëndësishëm për shtetë në Europë.
Te kombëtarja e Gjermanisë, 34-vjeçari Kroos luajti ndeshjen e fundit, atë ndaj Spanjës. Te Portugalia, Ronaldo 39-vjeç, nuk do luajë më në një tjetër Europian. CR7 është rekordmen, pasi ka marrë pjesë në 6 Europiane. Gjithashtu, të njëjtën rrugë largimi nga përfaqësuesja luzitane mund të ndjekë edhe mbrojtësi Pepe, 41 vjeçar.
Me siguri, tek të dyja këto kombëtare, do të vijnë futbollistë të tjerë, që do të lënë gjurmë në historinë e futbollit. Deri atëherë, na duhet të kënaqemi me ato çka “ikonat” e sipër-përmendura kanë bërë për lojën më të ndjekur në botë.
