Leonardo Bonuccit nuk i del inati me lamtumirën e tij të sforcuar nga Juventusi në verën e shkuar. Ish-mbrojtësi theksoi se u largua nga bardhezinjtë vetëm prej vullnetit të një personi, duke nënkuptuar në këtë formë ish-trajnerin e torinezëve, Massimiliano Allegri.
“Unë u “arratisa” nga Juventus sepse kështu donte një person, mua më dukej si një shaka pasi kisha më shumë se 500 ndeshje me bardhezinjtë. Megjithatë, mbase rrugëtimi im me Juventusin nuk ka përfunduar pasi kur mendoj profesionin e trajnerit, mendoj pikërisht për stolin e kësaj skuadre.
Kjo ëndrra ime, të ulem në stolin e një klubi si Juventus, më pëlqen të mendoj se historia ime aty nuk ka përfunduar ende. Unë u largova për të mos dëmtuar skuadrën, edhe pse ëndrra ishte që karrierën ta mbyllja me fanellën e Juventus”, u shpreh Bonucci.
