Ndeshja më e rëndësishme, finalja e Copa América 2024 do të zhvillohet të dielën më 14 korrik (në Shqipëri do të jetë ora 2 e mëngjesit e datës 15 korrik). Argjentina dhe Kolumbia do të jenë protagonistët e finales dhe Lionel Messi mezi pret të luajë për një tjetër titull, që mund të jetë i fundit me kombëtaren e tij. “Ne mundëm të shihnim ndeshjen Uruguaji-Kolumbi. E dinim se do të ishte shumë e vështirë me të dyja. Ka një arsye pse Kolumbia nuk ka humbur për kaq shumë kohë, është një ekip që ka lojtarë të shkëlqyer, intensitet, shpejtësi dhe dinamizëm”, komentoi kapiteni i Albiceleste për Fox Sports.
Argjentinasi, që ka fituar tetë herë Topin e Artë e di mirë se “finalet janë gjithmonë ndeshje të ndryshme”. “Do të përpiqem ta shijoj këtë moment madhështor me ekipin dhe kam besim në paraqitjen tonë. Jemi mirë dhe të qetë, siç kemi qenë gjatë gjithë garës”.
