Deklan Rajs është zotuar të pijë birrën e parë të vërtetë nëse Anglia fiton Europianin të dielën. Mesfushori bëri të njëjtin premtim përpara finales tre vjet më parë, vetëm se skuadra e Garet Sauthgejtit do të humbiste me penallti ndaj Italisë.
Por me Spanjën duke pritur Anglinë në Berlin të dielën, ylli i Arsenalit tha: “Më kujtohet që e thashë këtë (para finales së fundit). Që atëherë, kam pirë një birrë, por e kam pasur me pak limonadë! Nëse fitojmë, do të pi një birrë të vërtetë. Ndoshta do të më duhet të mbaj hundën, pasi e urrej erën e saj!’
Ai tha se ai bëri performancën e tij më të mirë të turneut gjatë fitores 2-1 të së mërkurës mbrëma ndaj Holandës në gjysmëfinalen në Dortmund. Anglisë iu desh të kalonte një valë kritikash pas shfaqjeve të mëparshme, por 25-vjeçari gjithmonë dyshonte se do të ishte kështu, veçanërisht pas një bisede me një anëtar të familjes mbretërore.
“Të shoh Italinë duke e ngritur atë trofe do të më përndjekë përgjithmonë”, shtoi ai. “Tani na paraqitet një mundësi tjetër ku mund të shkruajmë historinë tonë. Ne jemi kaq të dëshpëruar për ta bërë atë. Jo vetëm për njëri-tjetrin, por edhe për menaxherin. Mendoj se e meriton. Tani e dimë se çfarë duhet të bëjmë, krahasuar me herën e kaluar për sa i përket mënyrës sesi ta kontrollojmë lojën, të mos rrimë duarkryq si kur na erdhi Italia. Ne e dimë se si mund ta fitojmë këtë finale, që mendoj se është pozitive. Me pesë mbrojtësit që kemi luajtur në dy ndeshjet e fundit, ne e kemi mbajtur topin shumë mirë. Ndihemi të bashkuar dhe të fortë. Kemi lojtarë në nivel klubesh që janë mësuar të marrin topin nën presion dhe të luajnë në xhepa. Përmirësimi nga Europianin e fundit në pesëshen e mbrojtjes është se ne po e mbajmë topin shumë më mirë”.
Përmirësimi i Anglisë është ndihmuar nga zhvillimi i partneritetit në mesfushë midis Rajsit dhe Kobi Mainosë. 19-vjeçari ishte ndër më të mirët kundër Holandës dhe Rajs tha: “Thjesht mund ta shihni. Ju flisni me të dhe thjesht ndjeni praninë e qetë që ai ka. Ajo që më pëlqen tek ai është se ai nuk ka frikë të thotë ashtu siç është”.
Megjithatë, Spanja ka një yll adoleshent të vetin. Anësori i Barcelonës, Lamin Jamal mbush sot 17 vjeç. Dhe pasi e pa atë të shënonte nga 25 metra në fitoren gjysmëfinale kundër Francës, Rajs pranon: “Unë po përpiqesha të merrja një bursë kur isha 16 vjeç, dhe ju e keni vendosur Jamalin në majë!”
Në moshën 16- vjeçare, ajo që ai po bën është një nivel tjetër. Ata kanë shumë lojtarë me përvojë dhe disa lojtarë fantastikë në mesfushë. Është një ndeshje që ne besojmë se mund ta fitojmë, kështu që është gati të jetë një finale e shkëlqyer. Ka një tjetër ndeshje në këmbët tona për të dhënë absolutisht gjithçka për djemtë, për tifozët dhe për këtë menaxher. Ne jemi kaq të dëshpëruar për ta bërë këtë dhe për t’i sjellë pak lumturi vendit”.
PANORAMASPORT.AL
