Spanja dhe Anglia do të mbështeten me nga 11,500 tifozë secila në finalen e Europianit që do të luhet të dielën në stadiumin Olimpik në Berlin.
Këto janë shifrat zyrtare që UEFA ka ndarë për secilën nga dy federatat finaliste. Të gjithë këto bileta janë të shitura tashmë për 95 euro, por janë të disponueshme me çmime më të larta, midis 300, 1000 deri në 2000 euro, shtuar dhe vështirësinë për të gjetur një fluturim.
Ndërkohë që në stadium pritet të jenë shumë më tepër anglezë, që pritet të blejnë bileta nga pjesa neutrale.
Kujtojmë se stadiumi i Berlinit do të ketë një kapacitet prej 75 mijë vendesh dhe nuk do të ketë asnjë vend bosh për finalen e së dielës, ndaj siç raportojnë mediat ndërkombëtare, sigurimi i një bilete është kthyer në mision të pamundur.
