Supersfida mes Spanjës dhe Anglisë sot në Berlinn do t’i vendosë kapakun një muaji me futboll të jashtëzakonshëm e plot emocione në Euro 2024. Finalja e madhe e Berlinit do të përcaktojë se cila nga këto dy skuadra do të jetë ajo që do të çojë lart trofeun dhe do të konfirmohet si më e forta në kontinent.
Spanja shihet nga shumëkush si favorite, pasi ka fituar 6 nga 6 ndeshjet e luajtura dhe mbërrin në këtë finale me euforinë e një skuadre që e ka bërë këtë duke luajtur mirë dhe argëtuar. Për trajnerin De La Fuente, sot ishte më e lehtë të bënte formacionin titullar, pasi u kthyen nga pezullimi Karvahal dhe Le Normand, me të dy që do të luajnë nga minuta e parë.
Ndërkohë, te Anglia bie në sy aktivizimi i Luk Shou nga minuta e parë në vend të Tripier. Ky i fundit kishte luajtur titullar të 6 ndeshjet e mëparshme te “tre luanët’, por Sauthgejt ka vendosur t’i besojë lojtarit i cili ka vuajtur disa dëmtime radhazi e për këtë arsye ka qenë jashtë rreshtimit duke luajtur vetëm dy takime si zëvendësues.
LIVE SPANJË-ANGLI 1-0
47′ Uilliams
NGJARJET KRYESORE
71’ Maino i lë vendin në fushë Palmer në radhët e Anglisë.
70’ Spanja rrezikon me një goditje këndi, me harkime nga krahët. Në fund është gjuajtja e Fabian Ruiz e cila dërgon sferën mbi traversë. (VIDEO)
68’ Morata lë fushën e lojës, duke i bërë vend Ojarzabal.
66’ Jamal merr topin në të djathtën, ia del të gjejë momentin për të gjuajtur drejt portës por gjen përgjigjen e Pikford. (VIDEO)
63’ Bellingam bën një marrje fantastike para zonës me një rrotullim të shpejtë dhe lëshon një gjuajtje të fortë që shkon jashtë, jo shumë larg shtyllës. (VIDEO)
60’ Sauthgejt heq nga fusha Kejn dhe aktivizon Uotkins.
56’ Përsëri Morata shfaqet në zonë pas pasimit të Jamal, por diagonalja e tij largohet nga mbrojtësit. Në vijimin e aksionit topi shkon te Uilliams i cili gjuan, por nuk gjen portën e Pikford. (VIDEO)
55’ Morata shmang një mesfushor dhe mundohet të gjuajë drejt portës, Guehi e ndal dhe bllokon tentativën e spanjollit.
53’ Stouns ndëshkohet me karton të verdhë pas një faulli ndaj Moratas.
49’ Dani Olmo humb mundësinë për të dyfishuar shpejt shifrat kur një gjuajtje e gabuar e Uilliams kthehet në asist për të. Por ai gjuan jashtë me diagonalen e shpejtë në zonë. (VIDEO)
47’ GOOOL SPANJA! Aksion i rrufeshëm i spanjollëve me Jamal i cili pason për Uilliams, dhe ky i fundit nuk gabon duke shënuar në portën e Pikford. (VIDEO)
46’ Nis pjesa e dytë. Spanjollët humbasin Rodin për dëmtim dhe vendin e tij e merr Zubimendi.
45’+2’ Mbyllet pa gola pjesa e parë.
45’+1’ Pas një goditje dënimi, Foden nga e majta tenton portën, por gjen Unai Simon në pozicion në atë që është tentativa e parë e mirëfilltë në portë. (VIDEO)
45’ Jepen 2 minuta shtesë.
45’ Një pasim në qendër për Kejn sjell gjuajtjen e sulmuesit, por Rodri bllokon gjithçka me ndërhyrjen e tij. (VIDEO)
43’ Një top në thellësi për Moratën nga e majta, Guehi dhe Stouns nuk i japin hapësirë të gjuajë drejt portës dhe i dhurojnë një këndore.
41’ Dy tentativa radhazi të anglezëve për të gjetur një korridor në qendër të mbrojtjes spanjolle ndalen nga lojtarët e prapavijës, që deri tani kanë mbajtur shumë larg rrezikun Kejn.
36’ Olmo gjuan drejt portës pas zhvillimit të një goditje këndi, Kejn i kthyer në mbrojtje largon nga zona.
35’ Laport kërkon penallti për një mbajtje në zonë, gjyqtari jep vetëm këndore për Spanjën. (VIDEO)
34’ Tjetër kalim i Jamal në të djathtën, Shou i vëmendshëm çon topin në këndore.
31’ Olmo ndëshkohet me karton të verdhë pas një faulli ndaj Rajs.
28’ Fabian Ruiz hyn në zonë dhe gjuan, por sfera devijohet dhe shkon lehtësisht në duart e Pikford.
25’ Kejn ndëshkohet me të verdhë pas një faulli kundër Fabian Ruiz.
23’ Një top i humbur në mesfushë sjell sulmin e Jamal nga e djathta, pasimi i tij në qendër devijohet nga Guehi në këndore.
19’ Karvahal harkon në zonë, Pikford kontrollon pa probleme.
15’ Drithërima pranë portës spanjolle, pasi Uoker ka hapësirë në të djathtën për një pasim në qendër, por Laport është i vëmendshëm dhe çon topin në këndore.
13’ Pas një goditje këndi për spanjollët, topi shkon te Le Normand i cili gjuan me një roveshatë, pa gjetur portën kundërshtare. (VIDEO)
12’ Uilliams nga e majta hyn ën zonë dhe tenton gjuajtjen, Stouns devijon në këndore. (VIDEO)
11’ Anglia ka një goditje dënimi në dispozicion në të majtë të sulmit, por Guehi shkakton faull ndaj Laport duke bërë të pavlefshëm harkimin në zonën e iberikëve.
7’ Mbajtje e gjatë e topit nga spanjollët, të cilët qarkullojnë sferën për të gjetur të çarën në radhët e anglezëve të kthyer me forca të shumta në prapavijë.
2’ Shou fiton topin para Jamal por menjëherë ia dorëzon Karvahal i cili bllokon iniciativën angleze për të nisur kundërsulm.
1’ Nis dueli në Berlin.
FORMACIONET ZYRTARE
SPANJA: Unai Simon, Karvahal, Le Norman, Laport, Kukureja, Rodrigo, Fabian Ruiz, Dani Olmo, Jamal, Uilliams, Morata.
Trajner: Luis De La Fuente
ANGLIA: Pikford, Uoker, Stouns, Guehi, Shou, Maino, Rajs, Saka, Foden, Bellingam, Kejn.
Trajner: Garet Sauthgejt
PANORAMASPORT.AL
