Ish-mbrojtësi i Mançester Junajtid dhe Anglisë, Geri Nevill deklaroi më parë se Spanja nuk mund të shkonte deri në fund të Europianit dhe se një nga shkaqet do të ishte pikërisht mbrojtësi Mark Kukureja.
“Mendoj se ai (Kukureja) është një nga arsyet që mendoj se Spanja ndoshta nuk mund të shkojë deri në fund”, tha Nevil.
Por sot pasi Spanja u shpall kampione e Europës, Kukureja i është përgjigjur anglezit.
“Ne i shkuam deri në fund Geri. Faleminderit për mbështetjen tënde”, tha ai me ironi.
Rikujtojmë që Kukureja ka qenë një ndër më të mirët e Spanjës gjatë Europianit duke bërë performanca në nivel të lartë. Madje ai asistoi në golin e fundit të iberikëve në minutën e 86-të.
PANORAMASPORT.AL
