Ish-anësori i Bayern Munich dhe Liverpool, Xherdan Shaqiri, njoftoi tërheqjen e tij nga futbolli ndërkombëtar të hënën, pasi kishte grumbulluar 125 paraqitje për Zvicrën.
Shaqiri ka shënuar 32 gola për kombëtaren dhe është lojtari i vetëm zviceran që ka luajtur në shtatë turne të mëdha, nga Kupa e Botës 2010 deri në Euro 2024.
32-vjeçari bëri dy paraqitje në Euro2024 teksa Zvicra doli nga turneu pasi humbi me penallti ndaj Anglisë në çerekfinale.
“Shtatë turne, shumë gola, 14 vite me kombëtaren e Zvicrës dhe momente të paharrueshme. Është koha për t’i thënë lamtumirë kombëtares”, ka shkruar Shaqiri në Instagram. “Kujtime të mëdha mbeten dhe ju them të gjithëve, faleminderit”.
Shaqiri, i cili fitoi ligën zvicerane dhe gjermane nga tri herë secila në FC Basel dhe Bayern, si dhe Premier Ligë në Liverpool, ka luajtur për skuadrën e MLS Chicago Fire që nga viti 2022.
Postimi i plotë:
View this post on Instagram
