Futbollistët e Prishtinës të mërkurën kanë vazhduar fazën përgatitore në Bolu të Turqisë, ku do të qëndrojnë për 17 ditë.
Në njoftimin e klubit, thuhet se trajneri Jean-Michel Cavalli gjatë kësaj periudhe do të përpiqet ta përgatit ekipin në mënyrën më të mirë të mundshme për sezonin 2024/25.
ADVERTISEMENT
Sezoni i ri në Superligën e Kosovës nis më datën 10 gusht, ndërsa Prishtina ndeshjet si vendas do ti luaj në stadiumin “Fadil Vokrri”.
Te Prishtina gjatë kësaj vere janë bërë ndryshime të mëdha, duke filluar nga shtabi teknik e deri tek futbollistët pasi sezonin e shkuar përfundoi në pozitën e pestë dhe mbeti pa dalje në Evropë.
Gjatë qëndrimit në Turqi, Prishtina tashmë ka aranzhuar edhe tri ndeshje kontrolluese, të cilat do t’i luaj gjatë këtij muaji. Duelin e parë, Prishtina e luan me Genclerbirligin më datën 21 korrik, përpara se të përballet me Gaziantepsporin tri ditë më vonë.
Ndërkohë, ndeshjen e fundit kontrolluese në Turqi do ta ketë më datën 31 korrik dhe atë kundër skuadrës Pendikspor.
