Pasi Egnatia mbylli aventurën Champions League duke u eliminuar nga Borac Banja Luka, Melih Ibrahimoglu do të largohet. Pas përfundimit të sfidës së mbrëmshme, mesfushori turk është përshëndetur me shokët e skuadrës.
Turku do të niset ditën e sotme drejt vendlindjes pasi ka rënë dakord për t’u bërë pjesë e Konyaspor. Më datë 19 korrik, Ibrahimoglu do të kryejë vizitat mjekësore, teksa më pas do të vijë edhe firma mbi kontratë. Me Konyaspor, fantazisti do të firmosë një kontratë 3-vjeçare.
Ndërkohë që te ekipi i Konyaspor, ‘ylli’ i Egnatias do të bashkohet me ish-sulmuesin e Kombëtares shqiptare, Sokol Cikalleshin.
Kujtojmë që 24 vjeçari u bashkua me Egnatias në janar të këtij viti, atëherë kur vendosi të mbyllte aventurën në Holandë me Heracles. Në sezonin që lamë pas, Ibrahimoglu ka luajtur 26 ndeshje me Egnatias, duke shënuar 4 gola dhe asistuar në 2 tjera.
Gjithashtu, turku shënoi golin e avantazhit, pra të parin në sfidën përballë Banja Luka që u luajt mbrëmjen e së mërkurës në “Elbasan Arena”.
