KB Peja ka mësuar kundërshtarin e raundit kualifikues për sezonin 2024/25 në FIBA Europe Cup.
Në kuadër të kualifikimeve për një vend në fazën e grupeve, Peja do të përballet me ekipin nga Greqia, Maroussi.
ADVERTISEMENT
Kështu është përcaktuar pas shortit të tërhequr për këtë garë që për kah niveli është e katërta në basketbollin evropian.
Peja me Maroussin do të përballen me formatin brenda-jashtë, me të dyja ndeshjet që do të zhvillohen në fund të muajit shtator.
Përballjen e parë, Peja e luan në shtëpi më 24 shtator, përpara së të udhëtoj në Greqi për duelin e kthimit që do të luhet tri ditë më vonë.
Nëse arrin ta eliminoj Maurossin në këtë fazë kualifikuese, atëherë Peja do të paraqitet në stinorin e rregullt të FIBA Europe Cup.
Peja në dy raste ka luajtur në fazën grupore të FIBA Europe Cup, por nuk ka arritur të avancoj tutje.
Sezonin e fundit, Peja u eliminua në serinë gjysmëfinale të plejofit në Superligën e Kosovës, ndërsa Maroussi nuk arriti të luaj në plejofin e kampionatit grek.
