Dinamo e Kievit sot është duke zhvilluar ndeshjen e rrethit tëdytë kualifikues në kuadër të Champions League në futbol..
Veprimi i Dinamos trondit serbët, këta të fundit pyesin: Çfarë do të thotë UEFA!?
Një veprim shembullor i skuadrës nga Ukraina, duke iu bërë me dije Partizanit të Beogradit, se nuk meritojnë shtrëngim duarsh pasi që morën pjesë në një turne në Rusi, në vendin e agresorit.
Gjatë momentit të zakonshëm kur shtërngohen duart mes kundërshtarëve, futollistët e Dinamos së Kievit vendosën të mbanin lart grushtin e tyre dhe të mos u zgjasnin miqësisht dorën lojtarëve serb.
Pamfleti serb “Kurir” ka shkruar me mllef dhe i tronditur nga gjesti i futbollistëve të Dinamos.
“Për shkak të situatës së njohur në Ukrainë, ndeshja po luhet në Lublin të Polonisë.
Atmosfera ishte e tensionuar para duelit mes Dinamos dhe Partizanit dhe klubi ukrainas është i pakënaqur pasi Partizani në periudhën përgatitore mori pjesë në një turne në Rusi, ku u përball me CSKA-në dhe Dinamos nga Moska.
Trajneri i Dinamos bëri një deklaratë nxitëse.
Futbollistët nuk do të shtrëngojnë duart me lojtarët e Partizanit dhe nuk do të ketë asnjë shkëmbim të shenjave të klubit.
Mbetet për t’u parë si do të reagojë UEFA dhe kjo është sigurisht një situatë e paprecedentë”, shkarravit ky medium serb.
