Klubi i i Çelsit ka bërë të ditur se ka ndërprerë me marrëveshje kontratën që kishte lidhur me mbrojtësin francez Malang Sarr, të cilin e kishte blerë në vitin 2020 nga Nica. Lojtari ishte afruar te blutë me objektivin për t’u bërë një titullar, por në katër vite luajti vetëm 21 ndeshje para se të largohej pa shumë bujë drejt Lens.
Sarr paguhej 120 mijë paund në javë në klubin londinez, por pavarësisht kësaj shifre të lartë, ishte jashtë projektit sportiv te blutë, aq sa edhe ish-trajneri Mauricio Poçetino mbeti i befasuar në një konferencë për mediat kur u pyet nga gazetarët rreth mungesës së tij në stërvitje.
“Kush është ky?”, iu kthye ai asistentëve të tij në sallë në videon që u bë virale, teksa më pas i kujtuan se bëhej fjalë për mbrojtësin i cili në fakt kishte qenë vazhdimisht i dëmtuar apo duke u stërvitur me ekipin e të rinjve në fazë rikuperimi.
PANORAMASPORT.AL
