Juventus ka mbyllur fazën e parë përgatitore me një humbje të rëndë, 0-3 në miqësoren ndaj Nuremberg. Gjithsesi, te bardhezinjtë shohin me optimizëm përpara dhe një prej tyre është sulmuesi serb Dusan Vlahovic.
“Pjesa e parë e fazës përgatitore ka përfunduar. Tani kthehemi në Torino me vetëdijen se duhet të punojmë edhe më shumë. Do të jemi gati për fillimin e sezonit të ri”, është mesazhi që Dusan Vlahovic ka për tifozët bardhezinj.
Vlahovic luajti vetëm në 45 minutat e dyta, humbi një penallti dhe ishte kapiteni i skuadrës. Për këtë gjë ai shprehet: “Ishte nder të mbaja shiritin e kapitenit të kësaj skuadre të madhe për herë të parë në karrierën tim”.