Një aktivist i së majtës ekstreme është arrestuar nga policia franceze në Normandy lidhur me sulmet kundër rrjetit hekurudhor në prag të Lojërave Olimpike. Ministri i Brendshëm francez tha se autoritetet kanë identifikuar disa nga vandalët.
Policia franceze ka arrestuar një aktivist të së majtës ekstreme në lidhje me serinë e sulmeve kundër rrjetit hekurudhor të shpejtësisë së lartë që shkaktoi kaos në transportin hekurudhor në prag të lojërave olimpike. Ministri i Brendshëm i Francës ka konfirmuar arrestimin e bërë të dielën në Seine-Maritime, në Normandi.
Ministria tha për televizionin France 2 se autoritetet kanë identifikuar profilet e disa personave, duke shtuar se sabotimi mbante shenjat e Vandalët përdorën pajisje eksplozive për ndezhjen e zjarreve që dëmtuan kabinat e sinjaleve përgjatë linjave që lidhin Parisin me qytete si Lilë në veri, Bordo në perëndim dhe Strasburg në lindje.
Një tjetër sulm në linjën Paris-Marseille u arrit të parandalohej. Le Parisien raportoi se janë prerë kabllot në kabinat elekrike edhe në jug të Francës, si dhe janë vënë në shënjestër instalime në rajonin Meuse pranë Luksemburgut dhe në zonë Oise pran Parisit.
