Ish-mesfushori i Realit të Madridit, Toni Kros, ka dhënë një intervistë për “Sky Deutschland”, ku ndër të tjera ka folur dhe për yllin e kombëtares turke dhe të Realit, Arda Gyler.
Gjermani ka vlerësuar me nota maksimale perlën turke, por ka paralajmëruar atë që të bëjë kujdes me shëndetin dhe me dëmtimet. “Ai (Gyler) ka një të ardhme të shkëlqyer nëse qëndron i shëndetshëm – ka paralajmëruar legjenda e gjallë e Realit – Ajo që e dallon Arda Gylerin nga lojtarët e tjerë të rinj është se ai është i hapur për të mësuar. Që kur mbërriti ai i kushtoi shumë vëmendje gjithçkaje që bënim para dhe pas stërvitjes. Sot nuk ka shumë lojtarë të tillë”.
Kros ka treguar dhe për magjinë që kanë këpucët e ishshokut të skuadrës. “Ai me të vërtetë dëshiron të mësojë dhe të përmirësohet. Finalizimi i tij dhe këmba e majtë janë të jashtëzakonshme, të gjithë e vumë re që në seancën e parë stërvitore”, tha Kros.
PANORAMASPORT.AL
