Laura Fazliu ka bërë edhe një hap të madh drejt medaljes së bronztë në Lojërat Olimpike “Parisi 2024”.
Fazliu e ka fituar meçin e parë të repesazhit dhe tani i duhet vetëm edhe një fitore për të siguruar të bronztën në kategorinë deri 63 kilogramë.
Në luftën e parë të repesazhit, Laura mposhti kanadezen Catherine Beauchemin-Pinard.
Laura fitoi me Ippon në kohën shtesë për t’iu afruar edhe më shumë medaljes së parë olimpike në debutimin e saj në këtë ngjarje të madhe sportive.
