Federata e Basketbollit të Kosovës (FBK), është nderuar nga FIBA Europe për organizimin e suksesshëm të FIBA Kampionati U-18 për Femra, Divizioni C.
Sekretarja e Përgjithshme e FBK-së, Elvira Dushku ka pranuar çmimin për organizimin e Evropianit, nga Edwin Yeats, Komisioner i FIBA-s.
Gjatë kampionatit nga datat 23 deri më 28 korrik, Prishtina ishte nikoqire e 7 shteteve evropiane si dhe publiku vendas dhe ai i huaj patën rastin të përjetojnë nga afër emocione dhe lojë të bukur të sportit tonë të dashur, Basketbollit!
FBK vazhdimisht ka pranuar vlerësime pozitive, duke krijuar tashmë traditë në organizimin e ngjarjeve ndërkombëtare në vendin tonë.
