Flamurtari nuk ndalet në merkato, duke siguruar një tjetër afrim të bujshëm.
Vlonjatët kanë arritur marrëveshjen me mesfushorin e Partizanit, Valentino Murataj, i cili pas aventurës europiane, i ka dhënë fund eksperiencës 3-vjeçare me skuadrën kryeqytetase.
Murataj është prezantuar zyrtarisht me fanellën kuqezi, teksa objektivi primar i vlonjatëve mbetet rikthimi në elitën e futbollit shqiptar që në sezonin e ardhshëm.
Mesfushori 28-vjeçar është padyshim një nga afrimet më të bujshme të vlonjatëve, pasi ka qenë një titullar i padiskutueshëm dhe ndër futbollistët më të spikatur të Superiores gjatë sezoneve të fundit.
Krahas Muratajt, Flamurtari ka prezantuar më herët edhe emra si Albi Alla, Lorenc Trashi, Ali Adem, Herald Marku, Sodiq Atanda, Ardit Hoxhaj, Stivi Frashëri, etj., të gjithë me eksperiencë të konsiderueshme në Kategorinë Superiore në Shqipëri.
Nën drejtimin e trajnerit italian Andrea Agostinelli, vlonjatët vijojnë përgatitjet për sezonin e ri, ku do të garojnë në Kategorinë e Parë, por me misionin e vetëm, rikthimin në elitën e futbollist shqiptar.
