PARIS- Atletja shqiptare, Luiza Gega do të garojë këtë të diel në Lojërat Olimpike të Parisit. Gara e Gegës është në disiplinën 3000 metra me pengesa, sfidë kjo, e cila do të fillojë në orën 10:20 minuta.
Përmes një postimi në rrjetet sociale, rekordmenia shqiptare ka përshkruar emocionet e kësaj gare.
Ajo theksoi se emocionet në këtë garë dhe atmosfera është e jashtëzakonshme. Atletja shqiptare thekson se do të bëjë maksimumin, në këtë olimpiadë, e cila e vë përballë garueseve të forta.
“Është dita ime e garës ku unë do të garoj në baterinë e dytë, në orën 10:20 minuta. Nuk mund ta mohoj që emocionet në këtë aktivitet janë shume të mëdha dhe atmosfera është e jashtëzakonshme. Nuk dua të mendoj çfarë ka ikur, nuk dua të mendoj se çfarë do të vijë. Thjesht di që do të përpiqem në maksimun për të bërë me të mirën e ta shijoj të qenurit Olympian, në maksimum, sepse nuk vjen shumë shpesh në jetë kjo ndjenjë”, shkruan ajo./ abcnews.al
