Presidenti i Barcelonës, Joan Laporta, vlerësoi punën e Masias së famshme, Cantera e Barcelonës nga e cila dolën shumë talente që më vonë shkelqyen në futbollin botëror. Numri 1 i Blaugranas mbajti një fjalim teksa merrte pjesë në një event zyrtar të klubit të mbajtur në Shtetet e Bashkuara të Amerikës në prani të kryetarit të bashkisë së Nju Jorkut, Erik Adams.
Laporta fillimisht vlerësoi fitoren e arritur dje ndaj Real Madridit në miqësoren (2-1), por nënvizoi se mbi të gjitha duhet t’i kushtohet rëndësi mënyrës se si fituan.
“Ne i dhamë një imazh të mirë klubit tonë dhe kjo është gjëja më e rëndësishme.
Ne jemi klubi sportiv më i suksesshëm në botë! Sporti na bashkon dhe na lejon të ndajmë golat me tifozët tanë.
Më pas ai nënvizoi se “këtu promovojmë të rinjtë dhe zhvillojmë talentin, gjë që për ne është më e rëndësishmja.
Jemi shumë krenarë sepse ka punë pas saj. Më pas sigurisht që dalim edhe në treg për të nënshkruar me lojtarë të mirë, por për ne është thelbësore të gjenerojmë talent”.
