Lojërat Olimpike vazhdojnë sot me ditën e 10 të garave, ku do të ketë përsëri kampionë të mëdhenj që do të tregojnë vlerat e tyre në gara në kërkim të medaljeve.
Pikërisht në luftën për të siguruar sa më shumë medalje të arta, është e qartë se tanimë do të jetë një duel i hapur mes SHBA dhe Kinës, të cilat kryesojnë bashkërisht me nga 19 të tilla.
Kinezët ishin në avantazh dhe të shkëputur deri dje, kur gjimnastika dhe atletika u dha një dorë amerikanëve për të shkurtuar diferencën dhe për të arritur superfuqinë aziatike.
Sa i përket numrit të përgjithshëm të medaljeve, SHBA bën që tani diferencën me 71 të tilla të siguruara.
