Barcelona ende nuk është këndellur nga problemet financiare, dhe kështu për të konkurruar me klubet e mëdha europiane, duhet të bëj disa ‘sakrifica’.
“Kurbani” për Barcelonën po del të jetë Frenki De Jong, të cilin klubi blaugranas po tenton ta shes gjatë kësaj vere, që të balancojë financat, sidomos pas blerjes së Dani Olmos.
Siç raporton “Relevo”, Barcelona ia ka vendosur çmimin mesfushorit holandez, që shkon deri në 60 milionë euro të garantuara, plus edhe bonuset, përcjellë “Gazeta Express”.
Për Frenkie De Jong, interesim konkret kishte shprehur Manchester United verën e kaluar, duke ofruar 150 milionë euro për shërbimet e tij, por që ishte refuzuar edhe nga Barcelona, edhe nga lojtari.
Frenkie De Jong ka kontratë me klubin nga Katalunia deri në vitin 2026, derisa i ishte bashkuar Barcelonës në vitin 2019 nga Ajax për shumën e 86 milionë eurove.
