Victor Osimhen ia ka bërë të qartë drejtuesve të Napolit se dëshiron të largohet nga klubi në këtë merkato verore.
Këtë e ka thënë drejtori sportiv i skuadrës, Giovanni Manna, para fillimit të ndeshjes kundër Modenës në Kupën e Italisë.
“Victor [ Osimhen ] dëshiron të largohet. Ne kemi lojtarë në skuadër për ta zëvendësuar atë. Osimhen është një lojtar i fortë, por ne duam t’i japim integritet grupit. Më pas do të shohim se çfarë do të ndodhë në 20 ditët e ardhshme”, theksoi ai për televizionin italian Mediaset .
Napolitanët kërkojnë më shumë se 100 milionë euro për yllin nigerian
“Ne e dimë se fushata jonë e transferimit është ende e paplotë dhe ne po punojmë për të kënaqur trajnerin tonë Antonio Conte”.
Në lidhje me një zëvendësim të mundshëm, drejtori sportiv është pyetur për Lukakun, i cili është lidhur në skuadrën italiane, por ai ka thënë se ka “vëmendje për mundësi të tjera”.
“Tani ai është lojtar i Chelseat. Jemi të qetë, mund të vijë një sulmues dhe nuk është domosdoshmërisht Lukaku. Jemi të vetëdijshëm për të gjitha mundësitë që ekzistojnë dhe jemi të gatshëm t’i shfrytëzojmë ato”, siguroi ai.
/GazetaBlic Sport/
