Kualifikueset europiane kanë hyrë në fazën finale ku do të luhet raundi Play-Off. Të gjitha skuadrat e kualifikuara deri në këtë fazë do të luftojnë për biletat e fundit për grupet finale.
Përballjet u zbardhën të enjten, ndërsa UEFA ka emëruar edhe të gjithë arbitrat e ndeshjeve respektive.
Tashmë nuk mungojnë as gjyqtarët shqiptarë. Enea Jorgji do të jetë arbitër kryesor në sfidën PAOK – Shamrock Rovers, e vlefshme për Play-Off të Europa League. Ndihmësit e tij do të jenë Denis Rexha e Ridigert Çokaj, ndërsa i katërt Florian Lata. Në dhomën VAR do të ulen italianët Luca Pairetto e Marco Serra.
Eldorjan Hamiti do të vendosë drejtësi në Conference League, në ndeshjen Panevezys – The Neë Saints. Ai do të asistohet nga Ilir Tartaraj e Xhulio Mani, ndërsa i katërt Kreshnik Cjapi. Dhoma VAR do të jetë po shqiptare duke u përbërë nga Kreshnik Barjamaj dhe Olsion Yzeiraj.
