Kristian Shpendi nuk mund të ëndërronte një fillim më të mirë në Serinë B. Pas 20 golave në vitin e tij të parë si titullar në Serinë C, qendërsulmuesi shqiptar ka shënuar një dygolësh në debutimin në Serinë B, i cili i lejoi Çezenës të mposhte Carrarese dhe të fillonte kampionatin me këmbën e mbarë.
Sulmuesi shqiptar ka përfunduar në shënjestrën e shumë skuadrave të Serisë A, nga Fiorentina te Torino, nga Napoli te Monza e deri te Cagliari, të cilët megjithatë nuk e bënë hapin e fundit dhe nuk ka gjasa ta bëjnë këtë. Siç raporton Corriere dello Sport, një sulm në këto ditët e fundit të merkatos mund të përjashtohet me Cesenën të vendosur për të thënë jo për çdo ofertë të paktën deri në janar.
Shpendi është një element tepër i rëndësishëm për skuadrën e Michele Mignani dhe konsiderohet i pashitshëm në këto momente. Klubi italian pret që sulmuesi të shkëlqejë në kampionat dhe të mund ta shesë akoma më shtrenjtë në sesionin e ardhshëm të merkatos.
