Data e mundshme e kthimit të Lionel Messit në fushë është 14 shtatori, raporton sajti argjentinas “ole.com.ar”.
Messi është ende në proces të rikuperimit nga lëndimi i ligamenteve të këmbës së djathtë.
Lëndimin superylli botëror i futbollit e pësoi më 14 korrik në finale të Kupës së Amerikës.
“Ideja e të gjitha palëve është që ylli 37-vjeçar të ndjek trajtimin hap pas hapi, duke mos anashkaluar asnjë fazë”, shkruan sajti argjentinas.
Inter Majami më 14 shtator luan në shtëpi kundër Filadelfia Unionit. Messi do t’i mungoj Argjentinës në ndeshjet kualifikuese për Botërorin e vitit 2026, kundër Kilit më 5 shtator dhe Kolumbisë më 10 shtator.
