Pas një periudhe të gjatë futbolli elitar i Evropës rikthehet në ekranet e Radiotelevizionit të Kosovës.
Pa dyshim ky është një moment i rëndësishëm për të gjithë adhuruesit e futbollit në Kosovë, të cilët tani do të kenë mundësinë të ndjekin falas një nga kompeticionet më të mëdha të futbollit në botë.
Gjithçka nis me ndeshjen më interesante të fazës së ‘play-off’-it, ku skuadra zvicerane, Young Boys, do të përballet me skuadrën turke, Galatasaray.
Kjo ndeshje do të fillojë në orën 21:00.
Për të gjithë dashamirët e futbollit, kjo është një mundësi e artë për të shijuar spektaklin e Ligës së Kampionëve dhe për të përjetuar emocionet që sjellë kjo garë në ekranin e RTK-së.
Ndeshjet që zhvillohen sot:
Dinamo Kyiv – Salzburg
Midtjylland – Slovan Bratislava
Malmo FF – Sparta Prague
Young Boys – Galatasaray
