Mungesa e Kylian Mbappé as nuk shihet dhe as nuk ndihet te një Paris Saint-Germain që është kaq i karikuar në debutimin e tij në Ligue 1, 2024-25. Montpellier ishte një viktimë sakrifikuese, e cila përfundoi duke nxjerrë topin më shumë se një herë nga rrjeta e vet për rezultatin e turpshëm 6-0 në favor të parisienëve. Barcola hapi sfidën pas vetëm 4 minutash lojë, më pas ishte radha e Asensios me një asistim të kalibruar nga Joao Neves.
Në pjesën e dytë kundërshtarët mbetën pa energji dhe nuk mundën të reagonin ndaj furtunës së PSG-së të drejtuar sërish nga një Barcola i papërmbajtshëm. Më pas golat e Hakimit, Zaire-Emery dhe në fund të Lee Kang për të vulosur një fitore të thellë që dërgon menjëherë një sinjal të fortë për rivalët e interesuar për kampionatin.
